YLLIRIAN

Prindërit të cilët përpiqen vazhdimisht të mbajnë pastër fëmijët e tyre, në të vërtetë i rrezikojnë ato ndaj sëmundjeve të zemrës. Sipas lajmeve të shtypit britanik, një studim i fundit vërtetoi se fjala “pak pisllëk nuk të dëmton”, ishte e drejtë. Sipas këtij studimi përdorimi i tepërt sidomos ditët e fundit për shkak të gripit të derrit i substancave anti-bakteriale apo të solucioneve dezinfektuese dobëson sistemin imunitar dhe bëhet shkak që më vonë fëmijët të rrezikohen nga sëmundjet e zemrës. Në një kërkim të bërë nga universiteti i Çikagos u krahasuan studimi i bërë gjatë njëzet e dy viteve mbi fëmijët e grave shtatzëna filipinase që në fillim në viteve 80-të me një studim të ngjashëm të bërë në SHBA. U zhvilluan takime rreth zakoneve të lidhura me tema si higjiena e nënave apo lidhja me kafshët shtëpiake. Në dy vitet e para pas lindjes u zhvilluan takime një here në dy muaj me nënat dhe fëmijët, më pas fëmijët u analizuan një here në 4-5 vjet. Gjatë kësaj kohe bashkë me sëmundjet infektive të fëmijëve u regjistruan pesha dhe gjatësia e tyre. Shkencëtarët analizuan ndikimin e mjedisit në të cilin kanë jetuar fëmijët kur kanë qenë të vegjël në prodhimin e Proteinës C–reaktiv. Paraqitja e kësaj proteine në një nivel shumë të lartë në gjak mendohet se është tregues (paralajmërues) i sëmundjeve të zemrës.

WEBMASTERKOSOVA