YLLIRIAN

Ne kete tem do te mundomi te sjellim me shume ne lidhje me te ashtuquajturen Bota Femrore
Teme ku mund te sjellni me shume ne lidhje me doket femrore
Deri sa te krijohet nje forum i veçante per kete lemi

__________________
WEBMASTERKOSOVA

YLLIRIAN

Çdo vit në verë shfaqet i ashtuquajturi ‘look’ i zhveshur. Fytyrë të freskët dhe të pastër, vetullat të rregullta dhe buzët të buta dhe pa plasaritje, kjo është pamja femërore që shikohet në buzë të detit.Tashmë stina e verës është në kulmin e saj e mund të thuhet pa frikë se gjithsecili preferon të bëjë diçka ndryshe, të ndryshojë diçka qoftë në pamje, qoftë në marrëdhëniet që ka me veten. Por problemi i vërtetë është se një look i zhveshur nuk është aq i thjeshtë për t’u realizuar sepse look i zhveshur nuk do të thotë të mos trukoheni, por një trukim që është sa më pak i dukshëm. Fytyrë të freskët dhe të pastër, vetullat të rregullta dhe buzët të buta dhe pa plasaritje, kjo është pamja femërore që shikohet në buzë të detit.

Trukimi
Ngjyrat e detit blu e hapur, blu e errët, e gjelbër, smeralde, tonalitetet e së kuqes etj, sundojnë këtë verë në plazh. Trukimi me tonalitete që variojnë nga shumë të hapura në shumë të mbyllura i jep më shumë larmi për relaksim.
Truku varion që nga një mbulim i plotë i qepallës e deri tek një vijëzim afër qerpikëve në qepallën e sipërme.
Tendenca e kësaj vere? Ngjyrat duket se nuk janë vetëm ato tradicionalet që kanë rezistuar për një kohë të gjatë, por këtë vit shikohet një përdorim i të gjitha ngjyrave verore. I njëjti trukim shikohet dhe me buzët. Freski dhe joshje. Butësi dhe transparencë. Ngjyra e kuqe si korale e përdorur çdo vit sundon mbi pjesën më sensuale dhe këtë verë. Shkëlqyesi i buzëve është gjithmonë i preferuar për t’u përdorur.

Tendencë? Buzëkuqi i kristaltë me shumë pak ar. Gjatë mbrëmjes përdoret një truk më i fortë dhe i ngarkuar ashtu si dhe verën e kaluar por me një novacion që krijon komoditet për femrat, ngjyrat mbeten ato që kanë sunduar gjatë ditës veç më të theksuara.
Flokët
Kush i ka flokët me kaçurrela të dendur, për të luftuar efektin e fryrjes mund të aplikojë mbi flokë të lagur së bashku me xhelin apo shkumën dhe një vaj flokësh. Përziejini të dy përbërësit në dorë dhe aplikojini në flokë. Vaji përveçse trajton flokët i jep atyre një efekt të lagur shumë modern. Më pas lërini flokët të thahen vetë për një look sa më natyral. Kush i ka flokët e drejtë mund të ndryshojë krehje duke bërë gërsheta kur flokët janë akoma të lagur dhe pasi të thahen duke i lëshuar flokët, do të mbeten me onde dhe të valëzuar si sipërfaqja e detit, ashtu si është dhe moda e fundit. Krehje të tjera moderne sidomos për ata që janë në plazh janë gërshetat dhe bishtat gjithmonë të ulura poshtë si indianët. Kush i ka flokët e gjatë mund të bëjë dhe një bisht kali në pjesën e sipërme të kokës për një pamje më të sofistikuar.

Kujdes i veçantë për lëkurën
Një nga periudhat më problematike për lëkurën është edhe shtatzënia, pasi ajo shoqërohet me ndryshime në profilin hormonal të trupit, që mund të shkaktojë dhe ndryshime të lëkurës. Duke qenë se lëkura është shtresa e jashtme e trupit dhe ndryshimi më i vogël do të jetë i dukshëm. Shtatzënia është gjithashtu një periudhë gjatë së cilës duhet patur shumë kujdes për të mbajtur një lëkurë të shëndetshme dhe të shkëlqyeshme. Për këtë ndiqni këshillat e mëposhtme:

1. Flini mirë, gjumi sistematik gjatë shtatzënisë është një nga mënyrat më të mira për të mbajtur një lëkurë të shëndetshme. Një njeri i çlodhur duket më i shëndetshëm dhe kjo vlen më shumë kur gruaja është shtatzënë, pasi ajo lodhet me lehtësi.

2. Përdorni gjithmonë krem mbrojtës ndaj diellit.

3. Pastrojeni fytyrën mirë dhe me kujdes. Fytyra duhet të pastrohet në thellësi, sepse lëkura e saj zakonisht është më e yndyrshme sesa në pjesët e tjera të trupit. Poret e fytyrës bllokohen me lehtësi nga papastërtitë dhe kështu mund të krijohen puçrra ose akne. Larja e rregullt e fytyrës me një sapun fytyre, ndihmon në parandalimin e këtyre kushteve.

4. Bëni masazhe të fytyrës. Masazhi i fytyrës dhe i trupit me vajra aromatike, përveç rritjes së qarkullimit të gjakut në atë zonë, mund të ndihmojë edhe për t’u çlodhur.

5. Pini shumë ujë, pasi duhet të ruani ekuilibrin e ujit në trup. Kjo ndikon edhe në tonifikimin e lëkurës. Uji pastron lëkurën dhe largon toksinat nga trupi.

6. Buzëqeshni dhe qëndroni të gëzuar. Lumturia rrit qarkullimin e gjakut në trup, duke u shfaqur në formën e një lëkure të shëndetshme dhe plot shkëlqim.

__________________
WEBMASTERKOSOVA

YLLIRIAN

Për të kaluar një natë ‘të këndshme’ femrat dëshirojnë partner të bukur në shtrat, ndërkohë që meshkujt nuk janë edhe aq përzgjedhës në arritjen e kënaqësisë së tyre seksuale për një natë.Një studim i realizuar nga Fakulteti i Psikologjisë pranë Universitetit Brunel në Britaninë e Madhe, ku janë përfshirë studentë nga vende të ndryshme, pohon se meshkujt nuk bëjnë ndonjë farë seleksionimi të madh kur bëhet fjalë për një lidhje të shpejtë, porse kjo nuk ndodh me femrat.

Ato dëshirojnë një partner mjaft tërheqës kur behet fjalë për një lidhje të shpejtë seksuale.

__________________
WEBMASTERKOSOVA

YLLIRIAN

E përgatiti: Diella XHOKLI
Hulumtimi më i i tregon se femrat më shpesh kanë afera se sa meshkujt. Është e njohur që femrat janë më të hapura se meshkujt, por ndoshta bëhet fjalë edhe për atë se më lehtë e pranojnë aferën
Një e pesta e femrave që kanë tradhtuar e kanë bërë këtë gjatë daljes në klube, ndërsa më shumë se një e katërta e kryejnë tradhtinë me koleget e punës. 55 përqind të femrave e kanë pranuar se atyre u ka pëlqyer vëmendja që u kanë ofruar meshkujt, ndërsa një e treta kanë thënë që meshkujt shpesh përdorin mënyrën ‘e gabuar’ gjatë flirtit. Më shumë se një e treta e femrave kanë thënë që tradhtia kishte ndodhur rastësisht, dhe atë pasi që flirti ka dalë ‘jashtë kontrollit’. Hulumtimi është zhvilluar në mesin e mbi 300 femrave të pjekura nën patronatin e ‘Opere North’ të Anglisë. Në të vërtetë, hulumtimi është bërë gjatë sezonit të re të ekzekutimit të operës së Mozart-ut 'Cosi fan tutte', e cila përkthehet 'Të gjitha femrat janë të tilla', dhe flet për mosbesimin ndaj femrave. 'Hulumtimi i ri tregon se si femrat mendojnë se flirti është i parrezikshëm dhe se tradhtia mund lehtë të falet. Është interesante se një numër i madh i femrave nuk e kishin për qëllim të tradhtojnë dhe se kjo ‘vetvetiu’ kishte ndodhur ', deklaroi zëdhënësi i ‘Opere North-it’. Hulumtimi ka treguar femrat më shpesh tërhiqen nga të huajt dhe dëshirojnë që të lëshohen në aventurë me ta, pasi që ata shumë shpejtë do të shkojnë. Numri më i madh i femrave kanë thënë që ato nuk mund ta paramendojnë jetën që u ka kaluar me vetëm një partner.

__________________
WEBMASTERKOSOVA

YLLIRIAN

E përgatiti: Diella XHOKLI
Është e njohur që meshkujt ne afërsi të femrës së bukur nuk janë plotësisht vetvetja, kështu që ose flasin marrëzi, ose nuk dinë çka të thonë. Tash përfundimisht edhe shkencëtarisht është vërtetuar se shoqëria e femrës së bukur ndikon keq në mendjen e mashkullit
Hulumtimi ka zbuluar se meshkujt që i kalojnë disa minuta në shoqëri të femrës atraktive kalojnë shumë keq në testet të cilat i matin funksionet e trurit. Shkencëtarët besojnë se meshkujt e përdorin një pjesë të mirë të funksioneve të trurit apo të resurseve konjuktive duke u munduar që t’i impresionojnë femrat e bukura, kështu që ju mbetet pak ‘hapësirë’ për detyrat e tjera. Psikologët nga Universiteti ‘Radboud’ në Holandë e kanë zhvilluar këtë studim me studentët meshkuj dhe secili nga të testuarit kishte kaluar nga shtatë minuta duke ‘biseduar’ me anëtarët meshkuj dhe femra të grupit testues. Rezultatet kanë treguar se meshkujt kanë qenë më të ngadaltë dhe më të pasaktë pasi që më herët ishin munduar që të impresionojnë një femër atraktive. Sa më shumë që janë munduar, rezultatet kanë qenë më të dobëta. Por, femrat në anën tjetër nuk ‘bien’ aq lehtë; pa marrë parasysh se a kanë folur me një person të bukur të gjinisë së kundërt apo me ndonjë më pak atraktiv, rezultatet e tyre kanë qenë të njëjta. Psikologu dr. George Fieldman beson që meshkujt janë të programuar që të mendojnë në transmetimin e gjeneve të tyre në gjeneratat e ardhshme. 'Kur mashkulli e njofton një femër të bukur, ai , siç e quajmë ne, shndërrohet në 'i fokusuar reproduktiv '. Por edhe femrat kërkojnë tek meshkujt shenja të atributeve tjera, si pasuria, rinia dhe mirësia', tha dr. Fieldman.

__________________
WEBMASTERKOSOVA

YLLIRIAN

E përgatiti: Diella XHOKLI
Edhe pse na kanë mësuar se nuk guxojmë që të gënjejmë, prapë këtë e bëjmë të gjithë, dhe atë shumë shpesh. Kur bëhet fjalë për gjinitë, u tregua se njëjtë gënjejnë si meshkujt edhe femrat, por arsyet e gënjeshtrave janë të ndryshme
Gënjeshtrat e meshkujve dhe femrave janë veçanërisht të dukshme në internet. Shumica e femrave në njërën nga faqet e internetit për njoftimin e partnerëve thonë që një numër i madh i meshkujve kanë gënjyer për gjatësinë. Ndërsa meshkujt pohojnë se shumica e femrave në profilin e tyre kanë vendosur foto 10 dhjetë të vjetra, që të duken më të reja.
Pse gënjejmë?
Dennis Reina, autor i librit 'Besimi dhe tradhtia në vendin e punës', thotë që meshkujt gënjejnë me qëllim që të vijnë në status më të mirë profesional, derisa femrat gënjejnë që të arrijnë në status më të mirë shoqëror. Duke folur për dallimet ndërmjet gënjeshtrave të meshkujve dhe femrave, Reina thotë që femrat me qëllim që ta shmangin punën thonë që kanë kokëdhembje, derisa meshkujt gënjejnë p.sh. se duhet që të shkojnë në gjyq.

Si gënjejmë?
Ndërmjet meshkujve dhe femrave ekziston dallimi edhe në mënyrën e gënjeshtrës. Dr. Craig Fabrikant, psikolog nga Universiteti i Hackensack-ut në New Jersey, pohon se femrat gjatë gënjeshtrës ‘luhaten’, derisa meshkujt gënjejnë duke sulmuar dhe me bindje. Është treguar se meshkujt nuk e kanë problem të shikojnë në sy kur gënjejnë, ndërsa femrat kur gënjejnë e largojnë kohë pas kohe shikimin. Meshkujt kur gënjejnë mund të belbëzojnë, derisa femrat flasin shumë shpejt.

Për çka gënjejmë?
Sipas mendimit të Belle DePaulo, profesoreshë e psikologjisë në Universitetin Santa Barbara gënjeshtrat mund të ndahen në egoiste dhe joegoiste. Gënjeshtrat egoiste u shkon në dobi atyre që i thonë ato. Fjala është për gënjeshtrat kur dëshirojmë që të formojmë në pasqyrë më të mirë për veten. Gënjeshtrat joegoiste shërbejnë me qëllim që të mos ‘lëndohen’ ndjenjat e personave tjerë. Edhe meshkujt edhe femrat në mënyrë të njëjtë shërbehen me gënjeshtrat egoiste dhe jo egoiste. Është interesante kur femra gënjen femrën dhe nuk dëshiron që ta lëndojë, atë e bënë me kujdes dhe bindshëm.

Kur gënjejmë?
Femrat janë më të prira për shprehjen e tepruar të miratimit, ndërsa kjo bën pjesë në kategorinë e gënjeshtrës joegoiste. Shembull, femra koleges së saj në korridorin në punë do t’i thotë që duket mirë edhe pse nuk e mendon këtë. Meshkujt këtë e bëjnë në mënyrë ‘të habitshme’ dhe shumë shkurt do ta përgëzojnë dikën për punën e kryer edhe pse thellë në vete mendojnë që këtë mund ta bënin më mirë. Femrat do të gënjejnë me qëllim që ta mbajnë atmosferën e mirë pasi që nuk dëshirojnë zënka, ndërsa meshkujt e bëjnë këtë me qëllim që ndonjë situata e dhimbshme të kalojë sa më parë.

__________________
WEBMASTERKOSOVA

YLLIRIAN

Dihet se femrat janë më emotive se meshkujt, mirëpo deri më tani nuk është ditur arsyeja.

Shkencëtarët më në fund kanë arritur ta zbulojnë shkakun, ndërsa sekreti fshihet te gishtat.

Është zbuluar se gishtat e vegjël kanë të zhvilluar ndjenjën e prekjes, që është njëherit përgjigja pse femrat kanë ndjeshmëri taktile më të madhe se meshkujt.

Autorët e studimit kanë përfshirë 100 participantë në teste vizuale (shikimit) dhe taktile (prekjes). Rezultatet kanë treguar se personat me gishta më të vegjël (këto janë femrat), ishin më të aftë që të dallojnë edhe ngacmimet më të vogla.

Studimi i publikuar në revistën The Journal of Neuroscience, bën lidhshmërinë e këtyre ndjesive me reagimin më të shpejtë emotiv të femrave

__________________
WEBMASTERKOSOVA